اردو ورلڈ کینیڈا ( ویب نیوز ) سعودی عرب میں شمسی توانائی سے چلنے والی پہلی گاڑی متعارف کرائی گئی ہے۔

عرب ٹی وی کے مطابق سولر سسٹم سے لیس گاڑی دن میں شمسی توانائی جبکہ رات میں اسٹوریج الیکٹرک سسٹم سے چلائی جاسکتی ہے۔ریاض میں لاجسٹک سروسز کی نمائش میں شریک وی گو گروپ کے سی ای او عبداللہ السبیعی نے بتایا کہ اپنی نوعیت کی پہلی گاڑی ہے جو مکمل طورپر شمسی توانائی سے چلتی ہے۔عبداللہ السبیعی جو یونیورسٹی کے طالب علم ہیں جنہوں نے اپنے فارغ وقت کو مصروف کرنے کیلیے سولر انرجی وہیکل مملکت میں متعارف کرائی۔ان کہنا تھا کہ عالمی سطح پراپنی نوعیت کی پہلی کار ہے جو مکمل طورپر سولرسسٹم سے چلتی ہے۔

شمسی توانائی سے چلنے والی گاڑی کی خصوصیت یہ ہے کہ دن میں براہ راست سورج کی روشنی سے گاڑی چلتی ہے جبکہ رات میں اسے بجلی کے ذریعے چارج کرکے چلایا جاسکتا ہیان کا مزید کہنا تھا کہ کارکی بیٹری کو ایک بار چارج کرنے کے بعد 500 کلو میٹر تک باسانی چلایا جاسکتا ہے۔ کار میں نصب بیٹری کو چارج کرنے کے دوآپشنز دیے گئے ہیں جن میں سولر سسٹم اور دوسرا الیکٹریکل چارجنگ کی سہولت فراہم کی گئی ہے۔انہوں نے بتایا کہ ان کی کمپنی چین سے الیکٹرک موٹرسائیکل تیار کراتی ہے جو ایک مرتبہ چارج کرنے 150 کلو میٹر تک کی مسافت باسانی طے کرسکتی ہیں۔وی گو گروپ کے سی ای او کا کہنا تھا چین سے مطلوبہ گاڑیاں تیار کرانے کے بعد انہیں سعودی عرب میں اسمبل کیا جاتا ہے جس سے سعودی نوجوانوں کو بھی اس صنعت میں مہارت حاصل ہوتی ہے۔