اردو ورلڈ کینیڈا ( ویب نیوز )ایران اور سعودی وزیر خارجہ نے ماہ رمضان میں ملاقات کا فیصلہ کیا ہے۔

ایران کے وزیر خارجہ حسین امیر اور سعودی وزیر خارجہ فیصل بن فرحان کے درمیان رمضان المبارک میں ملاقات کا فیصلہ کیا گیا ہے جس کا مقصد دونوں ممالک کے درمیان سفارتی تعلقات کی بحالی کے معاہدے پر عمل درآمد کرنا ہے۔

مشرق وسطی کی سیاست میں اہم پیش رفت میں ایران اور سعودی عرب نے تعلقات کی بحالی پر اتفاق کیا ہے۔سعودی میڈیا کے مطابق دونوں ممالک کے وزرائے خارجہ کے درمیان ایک ہفتے میں دوسری مرتبہ ٹیلی فون پر بات چیت ہوئی جس میں ماہ رمضان کے وسط میں ملاقات کا فیصلہ کیا گیا۔

یہ بھی پڑھیں

اسرائیل میں کا لےقانون کیخلاف احتجاج،، پارلیمنٹ کا گھیراؤ

سعودی میڈیا کے مطابق دونوں ممالک کے وزرائے خارجہ نے ٹیلی فونک گفتگو میں چین کی ثالثی میں ہونے والے معاہدے کی روشنی میں مشترکہ امور پر تبادلہ خیال کیا جب کہ دونوں وزرا نے رمضان المبارک میں ملاقات پر اتفاق کیا۔

میڈیا رپورٹس کے مطابق سعودی عرب اور ایران کے وزرائے خارجہ کے درمیان ملاقات کی حتمی تاریخ سامنے نہیں آئی تاہم دونوں کے درمیان اپریل میں ملاقات کا امکان ظاہر کیا جا رہا ہے۔