اس موقع پر ایف آئی اے کی ٹیم اور تفتیشی افسر بھی چالان کی کاپیاں لے کر اڈیالہ جیل پہنچ گئے۔
اڈیالہ جیل کی عدالت میں سائفر کیس کی سماعت کے دوران چیئرمین پی ٹی آئی کے وکلا میں چالان کی کاپیاں تقسیم کی گئیں جب کہ عمران خان اور شاہ محمود قریشی بھی عدالت میں پیش ہوئے جہاں وکلا نے چیئرمین پی ٹی آئی سے مختصر ملاقات کی۔

یہ بھی پڑھیں

سائفر کیس، عمران خان کی درخواست پر دو تین دن میں فیصلہ کردیں گے، اسلام آباد ہائیکورٹ 

پراسیکیوٹر ذوالفقار عباس نقوی نے عدالت کو بتایا کہ وہ کیس کی مکمل نقول فراہم نہیں کر سکتے تاہم ضروری نقول فراہم کر دی گئی ہیں۔ بعد ازاں عدالت نے کہا کہ تمام سرکاری گواہوں کو چارج شیٹ کے ساتھ 17 اکتوبر کو طلب کیا جائے گا۔عدالتی حکم کے ساتھ ہی سائفر کیس کا باقاعدہ ٹرائل شروع ہوگیا ہے، جس کے تحت 17 اکتوبر کو فرد جرم عائد کی جائے گی۔۔
بعد ازاں ایف آئی اے کی ٹیم، پراسیکیوٹر اور جج جیل کی عدالت سے چلے گئے۔