تفصیلات کے مطابق سابق وزیراعظم نواز شریف کو پارٹی صدر بنانے کے لیے کاغذات نامزدگی موصول ہو گئے ہیں۔ مسلم لیگ (ن) کے نئے صدر کے انتخاب کے لیے چاروں صوبوں، آزاد کشمیر اور گلگت بلتستان کے اعلیٰ حکام کی جانب سے کاغذات نامزدگی جمع کرائے گئے ہیں
کاغذات نامزدگی آج منگل کو صبح 10 سے 12 بجے تک پارٹی سیکرٹریٹ ماڈل ٹاؤن میں جمع کرائے جائیں گے، پارٹی کے 5 رکنی الیکشن کمیشن کے سربراہ رانا ثناء اللہ ہیں، دیگر ارکان میں اقبال ظفر جھگڑا، عشرت اشرف، جمال شاہ کاکڑ اور دیگر شامل ہیں
مسلم لیگ (ن) کے صدر کے انتخاب کے لیے جمع کرائے گئے کاغذات نامزدگی کی جانچ پڑتال دوپہر ایک بجے سے دوپہر دو بجے تک ہوگی،پارٹی کی مرکزی جنرل کونسل نئے صدر کا انتخاب کرے گی۔
گزشتہ روز مسلم لیگ (ن) پنجاب کے صدر اور سابق وفاقی وزیر داخلہ رانا ثناء اللہ نے پریس کانفرنس کرتے ہوئے کہا کہ پارٹی کی مرکزی جنرل کونسل آج پارٹی کے نئے صدر کا انتخاب کرے گی۔