اردوورلڈ کینیڈا( ویب نیوز)حکومت نے پاکستان پیپلز پارٹی کے تمام مطالبات تسلیم کر لیے۔
ذرائع کے مطابق پنجاب میں ترقیاتی فنڈز اور انتظامی عہدوں پر پیپلز پارٹی کو ترجیح دی جائے گی، دونوں جماعتوں کے درمیان تعاون یکطرفہ نہیں بلکہ دوطرفہ ہوگا۔ تمام اضلاع میں پاور شیئر کریں گے۔
اسلام آباد میں مسلم لیگ ن اور پیپلز پارٹی کی مذاکراتی کمیٹیوں کا اجلاس ہوا۔ پیپلز پارٹی کی جانب سے راجہ پرویز اشرف، علی حیدر گیلانی، ندیم افضل چن اور حسن مرتضیٰ کو مذاکراتی کمیٹی میں شامل کیا گیا۔
پاکستان مسلم لیگ ن کی نمائندگی سپیکر پنجاب اسمبلی ملک احمد خان، رانا ثناء اللہ اور خواجہ سعد رفیق سمیت دیگر رہنمائوں نے شرکت کی۔
ذرائع کا مزید کہنا ہے کہ مذاکرات کا تیسرا دور وزیراعظم ہاؤس میں ہوا جب کہ پیپلز پارٹی کی مذاکراتی ٹیم پیر کو چیئرمین بلاول بھٹو زرداری کو مذاکرات کی تفصیلات سے آگاہ کرے گی۔
75
