اردوورلڈ کینیڈا( ویب نیوز)وفاقی کابینہ نے کمرشل، زرعی اور بلک صارفین کے لیے بجلی کے نرخوں میں اضافے کی منظوری دے دی۔
ذرائع کے مطابق کمرشل صارفین کے لیے بجلی کی بنیادی قیمت میں 8 روپے 4 پیسے اضافے کی منظوری دی گئی، جولائی سے کمرشل صارفین کی فی یونٹ قیمت 77 روپے 15 پیسے ہو جائے گی۔
زرعی صارفین کے بنیادی ٹیرف میں 6 روپے 62 پیسے فی یونٹ اضافے کی منظوری دے دی گئی جس کے بعد جولائی سے زرعی صارفین کا ٹیرف 46 روپے 83 پیسے فی یونٹ تک پہنچ جائے گا۔
ذرائع کا کہنا ہے کہ جنرل سروسز کے لیے بجلی کے نرخوں میں 6 روپے 98 پیسے فی یونٹ اضافے کی منظوری دے دی گئی ہے، جولائی سے جنرل سروسز کے لیے بجلی کا فی یونٹ نرخ 61 روپے 3 پیسے ہو گا۔
ذرائع کے مطابق بلک صارفین کے لیے بجلی کے فی یونٹ ٹیرف میں 5 روپے 51 پیسے اضافے کی منظوری دی گئی جس کے بعد بلک صارفین کا فی یونٹ ٹیرف جولائی سے 59 روپے 96 پیسے تک پہنچ جائے گا۔
اس کے علاوہ ذرائع کا کہنا ہے کہ صنعتی صارفین کے لیے بجلی کا بنیادی ٹیرف برقرار رکھا گیا ہے اور پاور ڈویژن کی جانب سے نیپرا کو بھی وفاقی کابینہ کے فیصلے سے آگاہ کر دیا گیا ہے۔