اردو ورلڈ کینیڈا ( ویب نیوز)حکومت نے پیٹرولیم مصنوعات کی قیمتوں میں 32 روپے فی لیٹر اضافہ کرکے عوام پر مہنگائی کا بم گرانے کا فیصلہ کیا ہے جو کل جمعرات 16 فروری سے متوقع ہے۔

ڈیزل پر پٹرولیم لیوی میں بھی 10 روپے فی لٹر اضافہ کیا جا رہا ہے۔ اس کی بڑی وجہ ڈالر کی شرح مبادلہ میں بے قابو اضافہ ہے جو کہ تقریباً 272 روپے ہو گیا ہے۔
متعلقہ حکام اور انڈسٹری ذرائع کے مطابق پیٹرول کی قیمت 12.8 فیصد اضافے سے 281.87 روپے اور ڈیزل کی قیمت 12.8 فیصد اضافے سے 262.8 روپے سے بڑھ کر 295.64 روپے فی لیٹر ہو جائے گی۔

پنجاب میں ذخیرہ اندوزوں کےخلاف کارروائیاں ،کروڑوں کا پٹرول بر آمد

مٹی کا تیل 217.88 روپے فی لیٹر، لائٹ ڈیزل کی قیمت 196.90 روپے فی لیٹر ہو گی۔ یہ قیمتیں ٹیکس کے حجم پر مبنی ہیں۔ ڈیزل پر لیوی جو 40 روپے فی لیٹر ہے اس میں 10 سے 50 روپے فی لیٹر اضافہ کیا جائے گا۔
اس اضافے سے 850 ارب روپے حاصل کرنے کا ہدف ہے تاہم اس حوالے سے شارٹ فال کا تخمینہ 250 ارب روپے ہے۔ حکومت نے یکم سے 15 فروری تک پیٹرولیم مصنوعات کی قیمتوں میں 35 روپے فی لیٹر اضافہ کر دیا۔