اردو ورلڈ کینیڈا ( ویب نیوز)سابق وزیر اعلیٰ پنجاب چوہدری پرویز الٰہی نے کہا ہے کہ حکومت ہمیں گرفتار کرنے کے بجائے دہشت گردوں کو گرفتار کرے، نگران حکومت اپنا مینڈیٹ بھول چکی ہے، اس کا مینڈیٹ صاف اور شفاف انتخابات کرانا ہے۔

اپنے ایک بیان میں سابق وزیر اعلیٰ پنجاب چوہدری پرویز الٰہی نے کہا کہ خیبرپختونخوا حکومت کسی کے گھر پر چھاپہ نہیں مار رہی، مخالفین کو تکلیف نہیں دے رہی، آپ دیکھیں گے کہ پورا گجرات ان کے خلاف کیسے نکلتا ہے۔ ہمیں گرفتار کرنے کے بجائے دہشت گردوں کو گرفتار کرو

سابق وزیر اعلیٰ نے کہا کہ بہت جلد ان کا احتساب ہو گا۔ عدالتوں سے ان کو سزا ملے گی، یہ غیر قانونی کام کر رہے ہیں، ہم تمام ریکارڈ اکٹھا کر رہے ہیں، وکلاء کی تمام تنظیمیں بھی ہمارے ساتھ کھڑی ہیں، جو لوگوں کو ہراساں کرتے ہیں، اب ان کی باری ہے۔

چوہدری پرویز الٰہی نے کہا کہ وہ الیکشن میں اپنی موت دیکھ رہے ہیں، وہ ہمارے ملازمین کو دھمکیاں دیتے رہے اور تلاشی لیتے رہے، انہیں چلانے والے حکمرانوں کی اب باری ہے، وہ چھاپے مار رہے ہیں
ان کا مزید کہنا تھا کہ ہم عدالت گئے تو دودھ کا دودھ اور پانی کا پانی ہو جائے گا۔