اردو ورلڈ کینیڈا ( ویب نیوز )امریکی صدر ڈونلڈ ٹرمپ نے باضابطہ طور پر ‘خلیج میکسیکو کا نام بدل کر ‘خلیج امریکہ رکھ دیا۔
امریکی صدر ٹرمپ نے خلیج میکسیکو کو خلیج امریکا قرار دینے کے اعلان پر دستخط کر دیے ہیں۔صدر ٹرمپ نے یہ قدم سپر باؤل دیکھنے کے لیے اڑان بھرتے ہوئے اٹھایا جس کے بعد امریکی صدر کے طیارے میں اعلان کیا گیا کہ آج ہم پہلی بار خلیج امریکا کے اوپر سے پرواز کر رہے ہیں۔ جس پر ٹرمپ نے کہا کہ یہ بہت اچھا کام ہے۔ٹرمپ کے دستخط کے بعد خلیج میکسیکو کا باضابطہ نام بدل کر خلیج امریکہ رکھ دیا گیا ہے۔
امریکی صدر ڈونلڈ ٹرمپ نے عہدہ سنبھالنے کے بعد کہا کہ وہ خلیج میکسیکو کا نام بدل کر خلیج امریکہ رکھیں گے۔
ٹرمپ نے اپنے افتتاح کے دن ایک ایگزیکٹو آرڈر پر دستخط کیے جس میں محکمہ داخلہ کو ہدایت کی گئی کہ وہ نام کی تبدیلی کو نافذ کرنے کے لیے 30 دنوں کے اندر تمام مناسب اقدامات کرے۔ واضح رہے کہ خلیج سمندر کا وہ حصہ ہے جو تین اطراف سے زمین سے گھرا ہوا ہے اور اس کا ایک داخلی راستہ ہے۔ عام طور پر، خلیج میں داخل ہونے کا راستہ تنگ ہوتا ہے۔امریکی میڈیا کے مطابق خلیج میکسیکو کو امریکا کا ‘تیسرا ساحل بھی کہا جاتا ہے کیونکہ اس کی ساحلی پٹی امریکی ریاستوں ٹیکساس، لوزیانا، مسیسیپی، الاباما اور فلوریڈا سے ملتی ہے۔
