اردوورلڈ کینیڈا ( ویب نیوز)سائفر کیس میں گرفتار چیئرمین پاکستان تحریک انصاف عمران خان کی درخواست ضمانت پر سماعت 4 ستمبر تک ملتوی کر دی گئی۔
سپیشل سیکرٹ کورٹ کے جج ابوالحسنات ذوالقرنین نے سائفر کیس میں پی ٹی آئی چیئرمین کی درخواست ضمانت پر سماعت کی۔
ذرائع کے مطابق درخواست ضمانت پر چیئرمین پی ٹی آئی کے وکلا بابر اعوان اور سلمان صفدر نے دلائل دیئے اور سلمان صفدر نے کہا کہ چیئرمین پی ٹی آئی کے وکلا کو اٹک جیل میں رکاوٹیں نہ ڈالیں۔ ڈیڑھ کلومیٹر پیدل چلنا پڑا، اٹک جیل میں مقدمے کے خلاف درخواست دائر کر دی گئی۔
سماعت کے دوران شاہ محمود قریشی کے وکیل علی بخاری بھی عدالت میں پیش ہوئے اور کہا کہ وہ آج اپنے موکل کی درخواست ضمانت پر دلائل دینا چاہتے ہیں۔
ذرائع کا کہنا ہے کہ چیئرمین پی ٹی آئی کے وکلا نے درخواست ضمانت پر دلائل سننے کی استدعا کی جب کہ اسپیشل پراسیکیوٹر ایف آئی اے نے چیئرمین پی ٹی آئی کی درخواست ضمانت پر آج دلائل سننے کی مخالفت کی۔
ذرائع کے مطابق اسپیشل پراسیکیوٹر ایف آئی اے نے پی ٹی آئی کی قانونی ٹیم کی جانب سے اسلام آباد ہائیکورٹ میں دائر درخواستوں پر اعتراض کرتے ہوئے کہا کہ درخواست ضمانت پر سماعت ملتوی کرنے کی استدعا کی۔
ذرائع کے مطابق سماعت کے دوران ایف آئی اے پراسیکیوٹر نے کہا کہ چیئرمین پی ٹی آئی نے اس عدالت سے متعلق درخواستیں ہائیکورٹ میں دائر کر رکھی ہیں جب کہ چیئرمین پی ٹی آئی کے وکیل انتظار پنجوٹھا نے کہا کہ ہم ہائیکورٹ سے درخواستیں واپس لیتے ہیں۔ ہائی کورٹ نے درخواست ضمانت پر روک نہیں لگائی۔
ایف آئی اے پراسیکیوٹر نے کہا کہ کیس کی سماعت ملتوی کر دی گئی ہے، اب کچھ نہیں کیا جا سکتا۔
ذرائع کے مطابق فریقین کے دلائل سننے کے بعد خصوصی سیکرٹ کورٹ کے جج نے پی ٹی آئی چیئرمین کی درخواست ضمانت پر سماعت 4 ستمبر تک ملتوی کردی۔
