اردو ورلڈ کینیڈا ( ویب نیوز ) سپریم کورٹ کے 4 اپریل کے پنجاب میں 14 مئی کو انتخابات کرانے کے فیصلے کے خلاف الیکشن کمیشن کی نظرثانی درخواست پر سماعت آج ہوگی۔

14 مئی گزر گیا اور سپریم کورٹ کے حکم کے مطابق پنجاب میں عام انتخابات نہ ہو سکے۔سپریم کورٹ کا پنجاب میں انتخابات 14 مئی کو کرانے کا حکم، الیکشن کمیشن کا انتخابات ملتوی کرنے کا فیصلہ کالعدم قرار

چیف جسٹس عمر عطا بندیال کی سربراہی میں 3 رکنی خصوصی بینچ ساڑھے 12 بجے کیس کی سماعت کرے گا، جسٹس اعجاز الاحسن اور جسٹس منیب اختر 3 رکنی بینچ کا حصہ ہیں۔الیکشن کمیشن نے 14 مئی کو ہونے والے انتخابات کے فیصلے پر نظرثانی کی درخواست دائر کر رکھی ہے ۔

یہ بھی پڑھیں

عدالت کی حکم عدولی ،سپریم کورٹ نے الیکشن کمیشن کو فنڈز جاری نہیں کئے

یاد رہے کہ سپریم کورٹ نے 4 اپریل کو اپنے فیصلے میں حکم دیا تھا کہ پنجاب میں انتخابات 14 مئی کو شفاف، غیر جانبدارانہ اور قانون کے مطابق کرائے جائیں۔ فنڈز کی فراہمی کی رپورٹ اپریل کو سپریم کورٹ میں جمع کرائیں، الیکشن کمیشن نے فنڈ کی رپورٹ بینچ ممبران کو چیمبر میں جمع کرادی۔

یہ بھی پڑھیں

سپریم کورٹ میں ایک ہی دن انتخابات کرانے سے متعلق کیس کی سماعت آج ہوگی

دوسری جانب پاکستان ڈیموکریٹک موومنٹ (پی ڈی ایم) نے سپریم کورٹ کے باہر احتجاج کا اعلان کیا ہے۔پی ڈی ایم کے سربراہ مولانا فضل الرحمان نے تمام سیاسی جماعتوں کو سپریم کورٹ کے باہر احتجاج کی دعوت دی ہے۔