اردوورلڈ کینیڈا ( ویب نیوز )ہیومن رائٹس کمیشن آف پاکستان (ایچ آر سی پی) نے الیکشن کمیشن سے ملک میں انتخابات کا شیڈول جاری کرنے کا مطالبہ کیا ہے۔
ایچ آر سی پی نے کہا کہ انتخابات کے حوالے موجود غیر یقینی صورتحال ختم ہونی چاہیے، حلقہ بندیوں کو انتخابات میں مزید تاخیر کا بہانہ نہیں بنایا جانا چاہیے۔

اپنے بیان میںانسانی حقوق کمیشن نے مزید کہا کہ ایسی اطلاعات ہیں کہ فرقہ وارانہ تقسیم کو ہوا دی جا رہی ہے تاکہ انتہائی دائیں بازو کی سیاسی جماعتوں کے لیے ایک مصنوعی سیاسی جگہ بنائی جا سکے۔
ایچ آر سی پی کی جانب سے جاری بیان میں کہا گیا کہ نگراں حکومت عوامی احتجاج کو بھی دیکھے، ان مسائل کا نوٹس لے جن کی وجہ سے لوگ متحرک ہو رہے ہیں۔
گزشتہ روز جماعت اسلامی کی کال پرملک گیر ہڑتال کی گئی تھی جس کے بعد جے آئی کی قیادت پر احتجاج کر نے کے حوالے سے مقدمہ بھی درج کیا گیا ہے