اردو ورلڈ کینیڈا ( ویب نیوز)بے رحم شوہر نے اپنی بیوی کو فیس بک پر لائیو ذبح کر دیا اور اس کے کٹے ہوئے سر کے ساتھ سیلفی اپنے سسرال والوں کو بھیج دی۔

عالمی خبر رساں ادارے کے مطابق جب مصری پولیس سفاک شوہر کو گرفتار کرنے پہنچی تو وہ اپنی بیوی کی کٹی ہوئی لاش کے ساتھ فیس بک لائیو پوسٹ کر رہا تھا۔

پولیس کو دیکھ کر بے رحم قاتل نے اس کے تین کمسن بیٹوں کو دبوچ لیا اور نہ چھوڑنے پر ان کے گلے کاٹنے کی دھمکی دی۔
پولیس ٹیم نے ملزم کو الجھایا اور موقع غنیمت جان کر اسے گرفتار کر لیا۔ تینوں بچے خیریت سے ہیں۔

ملزم نے پولیس کو بتایا کہ اس کا اپنی بیوی سے جھگڑا ہوا جس پر اس نے طیش میں آکر پہلے اسے تشدد کا نشانہ بنایا اور پھر گلا کاٹ دیا۔

پڑوسیوں کا کہنا ہے کہ میاں بیوی میں اکثر جھگڑا رہتا تھا اور بیوی نے اسے چھوڑ بھی دیا لیکن بعد میں صلح ہو گئی۔