اردو ورلڈ کینیڈا ( ویب نیوز) آئی ایم ایف نے حکومت سے پیٹرولیم لیوی کی مد میں 300 ارب روپے کی کمی کو پورا کرنے کے لیے منصوبہ طلب کر لیا ہے۔
وزارت خزانہ کے ذرائع کے مطابق رواں مالی سال کے دوران 300 ارب روپے کے پیٹرولیم لیوی کے شارٹ فال کا خدشہ ہے۔

ذرائع کا کہنا ہے کہ آئی ایم ایف نے لیوی کی مد میں 300 ارب کی کمی کو پورا کرنے کے لیے پلان مانگ لیا
آئی ایم ایف سے 850 ارب روپے لیوی اور پیٹرولیم ڈویلپمنٹ لیوی کی مد میں حاصل کرنے کا معاہدہ طے پایا۔ خدشہ ہے کہ یہ ہدف حاصل نہیں ہو سکے گا۔
وزارت خزانہ نے آئی ایم ایف کو لیوی شارٹ فال پورا کرنے کا پلان نہیں دیا اور اپنے جواب میں کہا کہ لیوی شارٹ فال 50 ارب تک ہوسکتا ہے۔
ذرائع کے مطابق پٹرولیم مصنوعات کی کھپت میں کمی کے باعث لیوی میں کمی ہو سکتی ہے جسے مختلف ذرائع سے وصول کرنے کی منصوبہ بندی کی جا رہی ہے۔