اردوورلڈ کینیڈا( ویب نیوز) آئی ایم ایف کے ایگزیکٹو بورڈ نے پاکستان کے لیے 7 ارب ڈالر کے بیل آؤٹ پیکج کی منظوری دے دی۔
ایگزیکٹو بورڈ کا اجلاس واشنگٹن میں آئی ایم ایف کی ایم ڈی کرسٹینا جارجیو کی صدارت میں ہوا جس میں پاکستان ایجنڈے میں سرفہرست تھا۔
ذرائع کے مطابق پاکستان کو 30 ستمبر تک 1.1 ارب ڈالر کی پہلی قسط ملنے کا امکان ہے، قرضہ پروگرام کی منظوری کے بعد دوسری قسط بھی اسی مالی سال میں آئے گی۔
واضح رہے کہ پاکستان اور آئی ایم ایف کے درمیان توسیعی سہولت قرض پروگرام پر 12 جولائی کو اتفاق ہوا تھا، قرض کی منظوری سے پاکستان کے معاشی اور زرمبادلہ کے ذخائر بہتر ہوں گے، پاکستان پر ادائیگیوں کا دباؤ کم ہوگا، اور پاکستان کے لیے ٹیکس ریونیو میں اضافہ ہوگا اس سے قبل گزشتہ روز ویڈیو لنک کے ذریعے سی پیک سیمینار سے خطاب کرتے ہوئے وفاقی وزیر خزانہ محمد اورنگزیب کا کہنا تھا کہ امید ہے کہ آئی ایم ایف کے آج ہونے والے بورڈ اجلاس میں 7 ارب ڈالر کے قرضہ پروگرام کی منظوری دی جائے گی۔
44
