اردو ورلڈ کینیڈا ( ویب نیوز ) آئی ایم ایف نے 2 کھرب (دو ہزار ارب) روپے کی مالیاتی خلاف ورزی کی نشاندہی کرتے ہوئے فنڈ کے سخت اضافی ٹیکس اقدامات کا مطالبہ کردیا۔ حکام کا کہنا ہے کہ بنیادی خسارے پر کوئی مالیاتی تاخیر نہیں، آئی ایم ایف کا منی بجٹ کے ذریعے 600 ارب روپے اضافی ٹیکس کا مطالبہ، پاکستانی حکام متفق نہیں، پاکستان نے آئی ایم ایف سے سیلاب کے اخراجات کے لیے 500 ارب روپے مانگ لیے۔حکومتی ذرائع نے بتایا کہ فنڈ سے جی ڈی پی کے 0.2 فیصد کے بنیادی خسارے کے ہدف کو 1 ٹریلین روپے کے مارجن سے پار کرنے کا امکان ہے۔
آئی ایم ایف نے اپنے ابتدائی جائزے میں 2022-23 کے بجٹ کے تخمینے میں 2000 ارب روپے سے زائد کی خلاف ورزی پائی جس کے نتیجے میں بجٹ خسارہ اور بنیادی خسارے کے اہداف بڑے مارجن سے تجاوز کر گئے۔
پاکستان اور آئی ایم ایف کے درمیان ہونے والے آئندہ مذاکرات میں تنازع کا ایک بڑا نکتہ مالیاتی گراوٹ اور اعداد و شمار کی مفاہمت ہوگی۔ذرائع کا کہنا ہے کہ اس وقت آئی ایم ایف پاکستانی حکام سے منی بجٹ کے ذریعے 600 ارب روپے کے اضافی ٹیکس لگانے کے لیے اقدامات کرنے کا کہہ رہا ہے۔
یہ بھی پڑھیں
انتہائی سخت فیصلے لینے کے لیے تیار ہیں ،امریکہ آئی ایم ایف سے قرض دلانے میں مدد کرے ،وزیر خزانہ
ذرائع کا مزید کہنا تھا کہ پاکستانی حکام نے اس سے بالکل اتفاق نہیں کیا اور دلیل دی کہ بنیادی خسارہ اس حد تک نہیں بڑھے گا۔ وہ علاقے جہاں دونوں فریقوں میں اختلاف ہے اب درج ہیں اور دونوں فریقوں کو 9 فروری 2023 تک عملے کی سطح کے معاہدے کی طرف بڑھنے کے لیے اختلافات کو ختم کرنا ہوگا۔آئی ایم ایف کے اعلیٰ حکام نے رواں مالی سال 2022-23 کے بنیادی خسارے کے حصے کے طور پر فنڈ کے ساتھ مقرر کردہ حد سے زیادہ پاکستان کے خسارے میں چلنے والے توانائی کے شعبے کو گردش کرنے والے قرضے میں اضافہ کرنے کا فیصلہ کیا ہے۔
مزید پڑھیں
قیمتوں میں اضافہ پر اختلافات،آئی ایم ایف کے جائزہ مشن کی تاریخ طے نہ ہو سکی
۔ دریں اثنا، پاکستان نے رواں مالی سال 2022-23 کے بجٹ خسارے، خاص طور پر بنیادی خسارے کے حساب سے آئی ایم ایف سے 500 ارب روپے کی معافی کی درخواست کی ہے۔ اعلیٰ حکومتی ذرائع نے تصدیق کی کہ آئی ایم ایف نے اب تک حساب لگایا ہے کہ جی ڈی پی کے 0.2 فیصد کے بنیادی خسارے کا ہدف ایک کھرب روپے سے زیادہ کے بڑے مارجن سے ٹوٹ جائے گا۔
ادائیگیوں کیلئے مزید کتنی فنانسنگ کی ضرورت ہے ؟
انٹرنیشنل مانیٹری فنڈ پروگرام کی بحالی کے وفاقی حکومت کی جانب سے فیصلے میں تاخیر کے باعث پاکستان کو رواں مالی سال کے پہلے 6 ماہ کے دوران صرف 5 ارب 60 کروڑ ڈالر بیرونی قرضے ملے ہیں۔ یہ بات وزارت اقتصادی امور کے جمع کردہ اعداد و شمار میں بتائی گئی ہے جس کے مطابق پاکستان کو جولائی سے دسمبر کے دوران صرف 5 ارب 600 ملین ڈالر کا قرضہ ملا اور یہ مالیت پاکستان کے کل سالانہ بجٹ کا صرف ایک چوتھائی ہے۔
انٹرنیشنل مانیٹری فنڈ پروگرام کی بحالی میں تاخری کی وجہ سے بیرونی قرضوں کی ادائیگی میں مشکلات اور زرمبادلہ کے ذخائر تیزی سے ختم ہونے کی وجہ سے اعداد و شمار کے مطابق دسمبر کے دوران پاکستان کو صرف 532 ملین ڈالر کا قرضہ مل سکا جو بڑی ادائیگیوں کے لیے ناکافی تھا۔
دسمبر میں حاصل کردہ قرض کی رقم میں سب سے بڑا حصہ ایشیائی ترقیاتی بینک کا تھا جس نے 231 ملین ڈالر کا قرض فراہم کیا۔ گزشتہ ایک ہفتے کے دوران پاکستان نے چینی مالیاتی اداروں کو 828 ملین ڈالر واپس کیے ہیں جس کے نتیجے میں زرمبادلہ کے ذخائر کم ہو کر 3 ارب 10 کروڑ ڈالر رہ جائیں گے۔
انٹرنیشنل فنانشل فنڈز کا اندازہ ہے کہ نئے مالی سال کے دوران پاکستان کو مجموعی طور پر 40 ارب ڈالر کی فنانسنگ کی ضرورت ہوگی تاہم حکومت نے اس حوالے سے 22 ارب 80 کروڑ ڈالر کے قرض کا تخمینہ لگایا ہے۔
