اردوورلڈ کینیڈا( ویب نیوز)سینیٹ اور قومی اسمبلی کے اہم اجلاس آج طلب کر لیے گئے، آئینی ترامیم کا مجوزہ پیکج آج دونوں ایوانوں میں پیش کیے جانے کا امکان ہے۔
ذرائع کے مطابق اجلاس کا 6 نکاتی ایجنڈا بھی جاری کر دیا گیا ہے۔
قومی اسمبلی کا اجلاس آج ساڑھے گیارہ بجے ہونا تھا تاہم وقت تبدیل کر دیا گیا،اجلاس اب شام چار بجے ہوگاسینیٹ کا اجلاس بھی آج شام 4 بجے طلب کر لیا گیا ہے۔
وزیراعظم شہباز شریف نے قومی اسمبلی اجلاس سے قبل کابینہ کا اجلاس آج طلب کرلیا، اجلاس میں آئینی ترمیم کے مسودے کی منظوری دی جائے گی۔
واضح رہے کہ وفاقی کابینہ کے اجلاس کا وقت بھی تبدیل کر دیا گیا ہے جو اب سہ پہر 3 بجے ہو گا۔
ذرائع کے مطابق عدلیہ سے متعلق آئینی ترمیم میں سپریم کورٹ کے ججز کی مدت ملازمت 65 سال سے بڑھا کر 68 سال اور ہائی کورٹ کے ججز کی مدت ملازمت 62 سال سے بڑھا کر 65 سال کرنے کی تجویز شامل ہے۔
جوڈیشل کمیشن اور پارلیمانی کمیٹی کو ضم کرنے کی مجوزہ قانون سازی کی تجویز آئینی ترمیم کا حصہ ہوگی۔
56
