اردو ورلڈ کینیڈا ( ویب نیوز )وزیر داخلہ رانا ثناء اللہ نے عوام کو ریلیف دینے کے لیے قومی اسمبلی کے انتخابات میں چھ ماہ کی تاخیر کا عندیہ دے دیا۔
نجی چینل کو دیے گئے خصوصی انٹرویو میں رانا نے وزیر اعلیٰ پنجاب پرویز الٰہی کے عمران خان کی کال پر پنجاب اسمبلی تحلیل کرنے کے بیان پر طنز کرتے ہوئے کہا کہ وہ پرویز الٰہی کو اسمبلی تحلیل کرنے سے روکنا جانتے ہیں۔
وزیر داخلہ نے مسلم لیگ (ن) کے قائد نواز شریف کی پاکستان واپسی پر تبصرہ کرتے ہوئے کہا کہ نواز شریف کی موجودگی میں اگلے عام انتخابات کی مہم چلانے کے لیے پارٹی کی ان کی اشد ضرورت ہے
رانا ثناء اللہ نے کہا ہے کہ ہم قومی اسمبلی کی مدت مزید چھ تک بڑھا سکتے ہیں اور ان چھ ماہ میں ہم عوام کو ریلیف دے سکتے ہیں
قبل ازیں وزیراعلیٰ پنجاب پرویز الٰہی نے زور دے کر کہا تھا کہ وہ پاکستان تحریک انصاف کے چیئرمین عمران خان کی کال پر پنجاب اسمبلی کو ایک منٹ میں تحلیل کر دیں گے۔
ایک بیان میں پرویز الٰہی نے کہا تھا کہ راولپنڈی کے عوامی اجتماع میں سابق وزیر اعظم کے اعلان کے بعد عمران خان کی حکمت عملی فیصلہ کن دور میں داخل ہوچکی ہے
انہوں نے مزید کہا کہ بڑے پیمانے پر ہجوم نے عمران خان کی مقبولیت کا ثبوت دیا۔
