176
اردو ورلڈ کینیڈا ( ویب نیوز) عالمی جوڈیشل کانفرنس آج اسلام آباد میں شروع ہوگی جس کا موضوع ہے ایڈمنسٹریشن آف جسٹس 75 سال ماضی پر غور کرنا اور مستقبل کی طرف دیکھنا ہے۔
چیف جسٹس آف پاکستان جسٹس عمر عطا بندیال کانفرنس کے افتتاحی اور اختتامی اجلاس کی صدارت کریں گے۔
اس کانفرنس میں دنیا بھر سے ججز، فقہا، قانونی برادری کے اراکین، ماہرین تعلیم اور نامزد موضوعات کے ماہرین سمیت معززین شرکت کریں گے۔
یہ کانفرنس انصاف کی فراہمی اور قانون کی حکمرانی کو برقرار رکھنے میں درپیش چیلنجز پر غور و خوض کے لیے ایک پلیٹ فارم فراہم کرے گی۔
یہ ڈیجیٹل ترقی کے دور میں لوگوں کو تیز رفتار انصاف کی فراہمی میں مستقبل کے لائحہ عمل کا تعین کرنے کے لیے گہری بصیرت بھی پیش کرے گا۔
