اردوورلڈ کینیڈا( ویب نیوز)لاہور پولیس کے بانی پی ٹی آئی عمران خان سے اڈیالہ جیل میں پوچھ گچھ کا آج کا مرحلہ مکمل ہو گیا ہے۔پولیس ذرائع کے مطابق پی ٹی آئی کے بانی عمران خان کو 9 مئی کو جناح ہاؤس حملے سمیت 12 مقدمات میں گرفتار کیا گیا ہے، عمران خان سے ریاست مخالف اشتعال انگیزی کی دفعات کے تحت تفتیش کی جائے گی۔
واضح رہے کہ تحریک انصاف کے بانی چیئرمین عمران خان کے خلاف مجموعی طور پر 16 مقدمات درج ہیں، لاہور پولیس کی 12 رکنی ٹیم نے عمران خان سے تفتیش کی۔
پولیس ٹیم گیٹ 5 سے اڈیالہ جیل کے اندر داخل ہوئی، پولیس ٹیم کی سربراہی ڈی ایس پی احمد عثمان کر رہے تھے، ٹیم میں 11 تفتیشی انسپکٹرز شامل تھے۔