59
اردو ورلڈ کینیڈا ( ویب نیوز ) اجتماعی قتل ،بنگلہ دیش میں جنگی جرائم کے خصوصی ٹریبونل نے شیخ حسینہ واجد کے خلاف تحقیقات کا آغاز کر دیا ۔بنگلہ دیش کے جنگی جرائم کے ٹریبونل نے غیر ملکی خبر رساں ادارے سے گفتگو میں کہا کہ حسینہ واجد کے خلاف قتل کے مقدمات عام لوگ لائے ہیں، جن میں حسینہ واجد کے کئی سابق ساتھیوں کو بھی نامزد کیا گیا ہے۔ سابق وزیراعظم کے خلاف اجتماعی قتل کے مقدمات ہیں اور ٹریبونل فوجداری مقدمات کی بھی تحقیقات کرے گا۔
رپورٹ کے مطابق شیخ حسینہ واجد کی 15 سالہ حکومت کے خلاف تقریباً ایک ماہ سے جاری پرتشدد طلباء کی قیادت میں ہونے والے مظاہروں میں 450 افراد ہلاک ہوئے، جن میں سے زیادہ تر پولیس کی فائرنگ سے مارے گئے۔ طلباء کے ملک گیر احتجاج کے باعث حسینہ واجد کو وزارت عظمیٰ سے استعفیٰ دے کر بھارت فرار ہونا پڑا۔
