ishtiaq ahmed 
اردوورلڈ کینیڈا( ویب نیوز)ہائیکورٹ نے لاپتہ بھائیوں کے معاملے میں حکومتی اداروں کی بے حسی کو افسوسناک قرار دیا۔
اظہر مشوانی کے 2 لاپتہ بھائیوں کی بازیابی سے متعلق کیس میں اسلام آباد ہائی کورٹ نے تحریری سماعت کا حکم جاری کردیا، جس میں کہا گیا ہے کہ 6 جون سے لاپتہ ہونے والے اظہر مشوانی کے بھائیوں کے بارے میں کچھ نہیں مل سکا۔ عدالت نے حکومتی اداروں کی بے حسی کو افسوسناک قرار دیا۔
جسٹس میاں گل حسن اورنگزیب نے ایک صفحے کا تحریری حکم نامہ جاری کیا، جس میں ایڈیشنل اٹارنی جنرل نے کہا کہ اس معاملے پر اٹارنی جنرل کی وزیراعظم سے ملاقات متوقع ہے۔ عدالت کے سامنے حکومت کی جانب سے کمزور جواب دیا گیا۔
حکم نامے میں مزید کہا گیا ہے کہ اس معاملے میں فریقین کی جانب سے عدم توجہی افسوسناک ہے۔ درخواست گزار کے وکیل کے جزوی دلائل مکمل ہو چکے ہیں۔ اگلی سماعت کے لیے دستیاب بینچ کے سامنے کیس کو شیڈول کریں۔
