صہیونی فوج نے غزہ پر 6 ہزار بم گرانے کا اعتراف کرلیا، اسرائیل نے امدادی کارکنوں کو بھی نہیں بخشا، حملوں میں طبی عملے کے 50 سے زائد افراد بھی شہید ہوئے، جن میں ڈاکٹروں کو بھی نشانہ بنایا گیا
فضائی حملوں سے رہائشی عمارتیں کھنڈر بن کر رہ گئی ہیں۔
ہیومن رائٹس واچ نے اسرائیل کی جانب سے غزہ میں فاسفورس بموں کے استعمال کی تصدیق کرتے ہوئے کہا ہے کہ اسرائیلی فورسز نے لبنان پر حملوں کے لیے بھی ممنوعہ بموں کا استعمال کیا۔ فاسفورس بم بڑے پیمانے پر تباہی پھیلاتے ہیں۔
دوسری جانب اسرائیل نے بھی فلسطینیوں کو شمالی غزہ خالی کرنے کا الٹی میٹم دیا ہے
یہ بھی پڑھیں
فلسطینی24 گھنٹوں کے اندر شمالی غزہ چھوڑ دیں،اسرائیل کی دھمکی
۔
حماس نے اسرائیل کی وارننگ کو مسترد کرتے ہوئے کہا کہ کوئی بھی اپنا گھر نہیں چھوڑے گا، ہم اپنی سرزمین، اپنے گھروں اور شہروں پر ثابت قدم ہیں، اگر اسرائیل نے زمینی حملہ کیا تو اس کی فوج کو نیست و نابود کردیا جائے گا۔
ادھرایران کے وزیر خارجہ حسین امیر عبد الحیان نے لبنان کے دارالحکومت بیروت میں حزب اللہ کے سربراہ سے ملاقات کی جس میں خطے کی صورتحال پر تبادلہ خیال کیا گیا
