فلسطینی ہلال احمر کے مطابق اسرائیلی طیاروں نے دانستہ طور پر دیر البلاح کے قریب ایک ایمبولینس کو نشانہ بنایا جس میں ہلال احمر کے 4 کارکنوں کو شہید کر دیا گیا۔فلسطینی ہلال احمر کا کہنا ہے کہ ان چاروں افراد کا تعلق طب کے شعبے سے تھا۔دوسری جانب اسرائیلی فوج نے غزہ کے الاقصیٰ ہسپتال پر شدید بمباری کی جس کے نتیجے میں 40 سے زائد فلسطینی شہید اور 150 سے زائد زخمی ہوگئے۔24 گھنٹوں کے دوران 150 سے زیادہ وحشیانہ صہیونی حملوں میں 200 فلسطینی شہید ہوئے۔7 اکتوبر سے اب تک شہداء کی تعداد 23 ہزار 350 سے تجاوز کر چکی ہے۔دوسری جانب مقبوضہ مغربی کنارے میں اسرائیلی فورسز کی پرتشدد کارروائیاں جاری ہیں۔عرب میڈیا کے مطابق مقبوضہ مغربی کنارے کے شہر نابلس میں اسرائیلی فورسز کے حملے میں اسرائیلی فوجیوں کے ہاتھوں 12 فلسطینی زخمی ہوئے جبکہ 5 فلسطینیوں کو بھی گرفتار کر لیا گیا۔
101