اردو ورلڈ کینیڈا ( ویب نیوز) عالمی ادارہ شماریات نے مہنگائی کے حوالے سے دنیا کے سرفہرست ممالک کے نام جاری کر د ئیے ہیں جس کے مطابق پاکستان مہنگائی کی شرح کے لحاظ سے دنیا میں چھٹے نمبر پر ہے۔

عالمی ادارہ شماریات کے مطابق پاکستان میں مہنگائی کی شرح 38 فیصد ہے جو کہ دنیا میں چھٹے نمبر پر ہے۔ عالمی اعداد و شمار کے مطابق جنوبی امریکی ملک وینزویلا میں مہنگائی کی شرح دنیا میں سب سے تیز ہے، وینزویلا میں مہنگائی کی شرح میں سالانہ 436 فیصد اضافہ ہو رہا ہے۔

اس فہرست میں عرب ملک لبنان 269 فیصد کی شرح کے ساتھ دوسرے نمبر پر ہے جبکہ اس کا پڑوسی ملک شام 139 فیصد کے ساتھ دنیا میں تیسرے نمبر پر ہے۔ اس کے علاوہ ارجنٹائن 114 فیصد کے ساتھ چوتھے، ترکی 39 فیصد کے ساتھ پانچویں نمبر پر ہے جبکہ چھٹے نمبر پر پاکستان موجود ہے ۔