اردو ورلڈ کینیڈا ( ویب نیوز ) دنیا کے امیر ترین افراد کی فہرست جاری کر دی گئی۔

امریکی جریدے فوربز نے دنیا کے امیر ترین افراد کی فہرست جاری کی ہے جس میں ایلون مسک، جیف بیزوس اور مارک زکربرگ ٹاپ تھری میں شامل ہیں۔فوربز کی تازہ ترین رپورٹ میں ایلون مسک کو دنیا کا امیر ترین شخص قرار دیا گیا، جن کی کل دولت 425.2 بلین ڈالر سے زیادہ ہے۔جیف بیزوس 241 بلین ڈالر کے ساتھ دوسرے نمبر پر ہیں اور میٹا کے بانی مارک زکربرگ دنیا کے امیر ترین افراد میں تیسرے نمبر پر ہیں جن کی دولت کا تخمینہ 217.7 بلین ڈالر ہے۔ فوربز کی تازہ ترین رپورٹ کے مطابق لیری ایلیسن 209 بلین ڈالر کے ساتھ چوتھے نمبر پر ہیں۔