اردو ورلڈ کینیڈا ( ویب نیوز ) کے پی او حملے کا ماسٹر مائنڈ سی ٹی ڈی کے ساتھ مقابلے میں مارا گیا۔

سی ٹی ڈی نے ناردرن بائی پاس منگھوپیر کے قریب خفیہ اطلاع پر کارروائی کی جس میں کراچی پولیس آفس (کے پی او ) حملے کا ماسٹر مائنڈ اراد اللہ مارا گیا۔

یہ بھی پڑھیں

کراچی پولیس آفس پر حملے کا مقدمہ درج کرلیا گیا، قتل، اقدام قتل، دہشت گردی کی دفعات شامل 

ٹی ڈی حکام کا کہنا ہے کہ فائرنگ کے تبادلے میں کے پی او حملے کے مسٹر مائنڈ اراد اللہ سمیت 2 دہشت گرد مارے گئے جب کہ 2 کو گرفتار کر لیا گیا۔سی ٹی ڈی کے مطابق دہشت گرد اراد اللہ کالعدم تحریک طالبان کراچی کا کمانڈر تھا جب کہ مارے جانے والے دوسرے دہشت گرد کی شناخت عبدالوحید کے نام سے ہوئی ہے۔

مزید پڑھیں

کراچی پولیس آفس پر حملہ کرنیوالے د و دہشت گردوں کی شناخت ہوگئی

واضح رہے کہ گزشتہ ماہ کراچی میں شارع فیصل پر واقع کراچی پولیس آفس پر دہشت گردوں کے حملے میں 2 پولیس اہلکاروں اور رینجرز اہلکاروں سمیت 4 افراد شہید ہوگئے تھے۔بعد ازاں پولیس اور قانون نافذ کرنے والے اداروں کی جوابی کارروائی میں 3 دہشت گرد مارے گئے۔