اردو ورلڈ کینیڈا ( ویب نیوز )بالی ووڈ کے مسٹر پرفیکٹ عامر خان نے باکس آفس پر اپنی فلم ‘لال سنگھ چڈھا کی ناکامی کے بعد اپنے شوبز کیریئر سے بریک لینے کا اعلان کیا تھا لیکن اب بھارتی میڈیا نے دعویٰ کیا ہے کہ اداکار اپنی بلاک بسٹر فلم ‘گجنی میں واپسی کریں گے۔

بھارتی میڈیا نے اپنے ذرائع سے دعویٰ کیا ہے کہ عامر خان گزشتہ کئی ماہ سے حیدرآباد کے گیتھا آرٹس میں فلم پروجیکٹ کے پروڈیوسر ایلو اروند کے ساتھ سیکوئل کے حوالے سے بات چیت کر رہے ہیں۔

عامر خان کی جانب سے ابھی تک اس پروجیکٹ کی تصدیق نہیں کی گئی لیکن ذرائع کے مطابق اداکار اور پروڈیوسر دونوں نے کئی پروجیکٹس پر بات چیت کی ہے اور وہ ایک ساتھ کام کرنے کے خواہشمند ہیں۔
ذرائع کے مطابق عامر خان اور اروند ‘گجنی 2’ پر کام کر رہے ہیں اور نئی فلم سنجے سنگھانیہ کی کہانی کو آگے لے جائے گی، فلم کا سکرپٹ فائنل کیا جا رہا ہے اور حتمی اعلان آئندہ چند ماہ میں کر دیا جائے گا۔
اداکار کے قریبی ذرائع نے بھی عامر خان کی اروند سے ملاقات کی تصدیق کی ہے اور کہا ہے کہ دونوں نے کئی پروجیکٹس پر بات چیت کی ہے اور وہ ایک ساتھ کام کرنے کے خواہشمند ہیں۔