اردو ورلڈ کینیڈا ( ویب نیوز )میڈیکل بورڈ نے نیب کی حراست میں پاکستان تحریک انصاف کے چیئرمین عمران خان کو صحت مند قرار دے دیا۔

ذرائع کے مطابق ڈاکٹر رضوان تاج کی سربراہی میں پمز ہسپتال کے پانچ ڈاکٹروں اور پولی کلینک کے دو ڈاکٹروں پر مشتمل میڈیکل بورڈ نے عمران خان کا طبی معائنہ کیا۔

ذرائع کا کہنا ہے کہ عمران خان نے ڈاکٹروں سے کسی قسم کی تکلیف کی شکایت نہیں کی، عمران خان کا بلڈ پریشر، شوگر لیول، نبض نارمل ہے۔

ذرائع کے مطابق عمران خان کا ایک سے زائد مرتبہ طبی معائنہ کیا گیا، عمران خان کی میڈیکل رپورٹ نیب حکام کے حوالے کر دی گئی ہے۔

ذرائع نے بتایا ہے کہ عمران خان کے خون کا سی پی، ایل پی، آر ایف ٹی، ایل ایف ٹی کیا گیا، ڈاکٹروں کی سفارش پر عمران خان سے خون اور پیشاب کے نمونے بھی لیے گئے، ڈاکٹروں کی سفارش پر عمران خان کے ایکسرے بھی کیے گئے۔