ishtiaq ahmed 
اردو ورلڈ کینیڈا ( ویب نیوز )وزیر اعظم شہباز شریف کی زیر صدارت اتحادی جماعتوں کا اجلاس آج طلب کر لیا گیا ہے۔ شہباز شریف کی زیر صدارت حکومتی اتحادیوں کے اجلاس میں عمران خان پر وزیر آباد میں ہونیوالی فائرنگ واقعہ سے متعلق تبادلہ خیال کیا جائے گا
واضح رہے کہ پاکستان تحریک انصاف (پی ٹی آئی) کے چیئرمین عمران خان کو وزیر آباد میں لانگ مارچ کے دوران مسلح شخص نے گولی مار دی تھی۔ بعد ازاں پولیس نے حملہ آور کو گرفتار کر لیا۔
صدر مملکت عارف علوی، وزیر اعظم شہباز شریف، پیپلز پارٹی کے شریک چیئرمین آصف علی زرداری، سابق وزیر اعظم نواز شریف، وزیر خارجہ بلاول بھٹو زرداری، جے یو آئی ف کے سربراہ مولانا فضل الرحمان اور تقریباً تمام اتحادی جماعتوں کے قائدین نے واقعہ کی بھر پور مذمت کی ہے
دوسری جانب پاکستان تحریک انصاف کے رہنما اسد عمر نے اپنے ویڈیو بیان میں 3 افراد پر حملے کی ذمہ داری ڈالی ہے۔
