اردو ورلڈ کینیڈا ( ویب نیوز ) نگراں وزیراعظم انوارالحق کاکڑ کی زیر صدارت بجلی کے زائد بلوں سے متعلق اجلاس آج پھر ہوگا۔

گزشتہ روز ہونے والے اجلاس میں نگراں وزیراعظم انوار الحق کاکڑ نے عوام کو زیادہ سے زیادہ ریلیف دینے کے لیے اقدامات کی ہدایت کی تاہم 2 گھنٹے سے زائد جاری رہنے والے اجلاس میں عوام کو فوری ریلیف دینے کا فیصلہ نہ ہو سکا۔

یہ بھی پڑھیں

بجلی کے زائد بلوں کا معاملہ،نگر ان وزیر اعظم انوار الحق کاکڑ نے کل ہنگامی اجلاس بلا لیا 

اب بجلی کی قیمتوں میں کمی سے متعلق اجلاس آج پھر ہوگا، جس میں جولائی کے زائد بلوں کے معاملے پر صوبائی وزرائے اعلیٰ سے تفصیلی مشاورت کی جائے گی۔وزیراعظم کی زیرصدارت اجلاس میں بجلی بل کی مد میں عوام کو فوری ریلیف دینے کا فیصلہ نہ ہو سکا۔ نگراں وزیراعظم انوار الحق کاکڑ نے آئندہ 48 گھنٹوں میں بجلی کی قیمتوں میں کمی کے لیے ٹھوس اقدامات کی تجاویز طلب کرلی ہیں۔ گزشتہ روز بجلی کی قیمتوں کے حوالے سے اجلاس میں کہا گیا کہ یہ ممکن نہیں کہ عام آدمی مشکل میں ہو اور بیوروکریٹس اور وزیراعظم اپنے ٹیکسوں پر مفت بجلی استعمال کریں۔ اجلاس میں مزید کہا گیا کہ نگران حکومت جلد بازی میں کوئی ایسا اقدام نہیں کرے گی جس سے ملک کو نقصان پہنچے بلکہ ایسے اقدامات اٹھائے جائیں گے جن سے قومی خزانے پر بوجھ نہ پڑے اور صارفین کو سہولت میسر ہو۔