اردوورلڈ کینیڈا( ویب نیز)ملک کے مختلف شہروں میں سردی کی شدت برقرار ہے، شدید سردی اور برفباری کے باعث پارہ منفی 11 تک گر گیا۔

وفاقی دارالحکومت اسلام آباد میں درجہ حرارت منفی ایک ڈگری سینٹی گریڈ ریکارڈ کیا گیا جب کہ لیہہ میں کم سے کم درجہ حرارت منفی گیارہ رہا۔
اسی طرح سکردو میں درجہ حرارت منفی 9، زیارت میں منفی 8، کوئٹہ، گلگت بلتستان میں منفی 7، ستور اور دالبندین میں منفی 6 تک گر گیا۔
دوسری جانب ملک کے مختلف شہروں میں دھند کا راج ہے جس کے باعث متعدد مقامات پر موٹر ویز بند کردی گئی ہیں۔
موٹروے ایم ون برہان انٹر چینج سے پشاور تک بند ہے جبکہ موٹروے ایم ٹو ٹھوکر نیاز بیگ سے خانقاہ ڈوگراں تک ٹریفک کے لیے بند ہے۔
موٹروے پولیس کے ترجمان کے مطابق موٹروے ایم تھری پر فیض پور سے رجانہ تک ٹریفک بند ہے، ایم 11 محمود بوٹی سے سمبڑیال تک دھند کے باعث بند ہے، شہریوں کو غیر ضروری سفر سے گریز کرنے کی ہدایت کی گئی ہے۔