اردوورلڈ کینیڈا ( ویب نیوز )محکمہ موسمیات نے آئندہ 3 روز کے دوران ملک بھر میں مون سون بارشوں کی شدت میں اضافے کا امکان ظاہر کیا ہے، مون سون ہوائیں بحیرہ عرب سے ملک میں داخل ہو رہی ہیں۔
محکمہ موسمیات کے مطابق مغربی لہر ملک کے بالائی اور وسطی علاقوں کو متاثر کررہی ہے، 27 سے 30 جولائی تک کشمیر، گلگت بلتستان اور اسلام آباد میں بارش کا امکان ہے

1

بالائی خیبرپختونخوا میں تیز ہواؤں اور گرج چمک کے ساتھ موسلادھار بارش کا امکان ہے، 27 اور 28 مئی کو قلات، خضدار، لسبیلہ، لورالائی، ڈی جی خان سمیت مختلف علاقوں میں گرج چمک کے ساتھ موسلادھار بارش ہوسکتی ہے۔ 27 اور 28 جولائی کو بلوچستان، ڈی جی خان اور ملحقہ علاقوں میں بارش سے سیلاب کا خدشہ ہے۔
محکمہ موسمیات کے مطابق 27 سے 29 جولائی تک ہونے والی بارشوں سے اسلام آباد، راولپنڈی، لاہور سمیت کئی شہروں کے نشیبی علاقے زیرآب آنے کا امکان ہے، ہوا کے ساتھ بارشوں سے کمزور انفراسٹرکچر کو نقصان پہنچ سکتا ہے
ممکنہ خطرات سے نمٹنے کے لیے محکمہ موسمیات نے شہریوں اور سیاحوں کو محتاط رہنے اور تمام متعلقہ اداروں کو الرٹ رہنے کی ہدایات جاری کی ہیں۔