انرجی رپورٹس جریدے میں شائع ہونے والی ایک تحقیق میں ایک ایسے نظام کی تجویز پیش کی گئی ہے جسے سولر ٹاور پاور پلانٹ کہا جاتا ہے، جو چمنی نما ٹاور پر مشتمل ہوتا ہے جس کی بنیاد پر ایک مکینیکل ٹربائن لگا ہوتا ہے۔یہ نظام دو حصوں پر مشتمل ہے، ایک سولر اپڈرافٹ سسٹم اور دوسرا کولنگ ڈاؤن ڈرافٹ ڈھانچہ۔ٹاور کے اندر کی ہوا جب شمسی شعاعوں کو جذب کرنے کے بعد گرم ہوتی ہے تو ایک اپڈرافٹ بناتی ہے یعنی ہوا اوپر کی طرف جاتی ہے اور ٹربائن کو موڑ دیتی ہے جس کے نتیجے میں بجلی پیدا ہوتی ہے۔
تاہم 1980 کی دہائی میں ہسپانوی انجینئرز کے تیار کردہ اس ابتدائی ماڈل کو اپنایا نہیں گیا تھا کیونکہ یہ اپنے سائز کے لحاظ سے بہت مہنگا تھا۔اس ڈیزائن کے روایتی پاور پلانٹس میں بھی توانائی کی پیداوار محدود ہوتی ہے کیونکہ وہ شمسی تابکاری پر منحصر ہوتے ہیں اور صرف دن کے وقت کام کرتے ہیں۔اب قطر اور اردن کے سائنسدانوں نے ڈاؤن ڈرافٹ ٹیکنالوجی کو بہتر اپڈرافٹس کے ساتھ ملا کر بہتر نتائج حاصل کیے ہیں۔
ڈاؤن ڈرافٹ سسٹم میںSolar Power Station (ٹھنڈی ہوا نیچے آتی ہے)، ٹاور کے اوپر ایک پمپ جہاں گرم ہوا جمع ہوتی ہے، پانی لے جاتی ہے اور ہوا کو ٹھنڈا کرتی ہے۔ٹھنڈی ہوا باہر کی ہوا سے زیادہ بھاری ہونے کی وجہ سے ٹاور میں موجود سلنڈر کے ذریعے اترتی ہے اور بجلی پیدا کرنے کے لیے بیس پر نصب ٹربائن تک پہنچتی ہے۔محققین کے مطابق اس نئی ٹوئن ٹیکنالوجی سولر سسٹم (ٹی ٹی ایس ایس) میں ان دو ڈرافٹ (اپ ڈرافٹ اور ڈاؤن ڈرافٹ) سسٹمز کو ملا کر دن میں سورج کی روشنی سے گرم ہونے والی ہوا سے رات میں توانائی پیدا کی جا سکتی ہے۔سسٹم کے ماڈل سے پتہ چلتا ہے کہ یہ سسٹم سالانہ 752,763 کلو واٹ گھنٹے بجلی پیدا کر سکتا ہے۔
