اردو ورلڈ کینیڈا ( ویب نیوز ) لیبیا کے بعد تیونس میں بھی تارکین وطن کی کشتی ڈوب گئی، 20 افراد ہلاک اور 5 کو بچا لیا گیا۔

غیر ملکی میڈیا کے مطابق حکام کا کہنا ہے کہ کشتی حادثے میں متعدد افراد لاپتہ ہوگئے ہیں اور تلاش جاری ہے۔تیونس کے کوسٹ گارڈ حکام کے مطابق افریقہ سے 20 تارکین وطن کی لاشیں برآمد کر لی گئی ہیں۔حکام کے مطابق یہ کشتی سفیکس شہر کے ساحل کے قریب ڈوب گئی جو افریقی تارکین وطن کے لیے روانگی کا مقام ہے۔تیونس کے ساحل پر ایک ہفتے میں ڈوبنے والا یہ دوسرا تارکین وطن ہے۔
ونان میں حالیہ دنوں میں کشتیوں کے حادثات میں جاں بحق ہونے والے پاکستانیوں کی مجموعی تعداد 40 ہو گئی ہے۔
اس سے قبل یونان میں بھی تارکین وطن کی کشتی الٹی گئی تھی ، یونان میں کشتیوں کے 3 مختلف حادثات میں 35 پاکستانیوں کے جاں بحق ہونے کی اطلاعات ہیں جس سے مجموعی تعداد 40 ہو گئی ہے۔سرکاری ذرائع نے بتایا کہ لیبیا میں اب بھی 5000 کے قریب پاکستانی موجود ہیں اور یہ لوگ جو یورپ جانا چاہتے ہیں، مختلف پاکستانی اور لیبیائی ایجنٹوں کے ساتھ ہیں۔واضح رہے کہ تین روز قبل یونانی جزیرے کریٹ کے جنوب میں ایک کشتی الٹ گئی تھی جس میں پاکستانی شہری سمیت 5 افراد کی ہلاکت کی تصدیق ہوئی تھی۔پھر کل مزید چار پاکستانیوں کی ہلاکت کی تصدیق ہوئی اور درجنوں لاپتہ ہیں۔ کشتی الٹنے کے واقعے میں بچائے گئے افراد میں 47 پاکستانی بھی شامل ہیں۔