اردوورلڈ کینیڈ ا ( ویب نیوز )وزارت پارلیمانی امور نے اسمبلی تحلیل کرنے کی سمری وزیراعظم کو ارسال کردی۔ذرائع کے مطابق وزیراعظم شہباز شریف اسمبلی تحلیل کرنے کی سمری صدر مملکت ڈاکٹر عارف علوی کو ارسال کریں گے۔

وزارت پارلیمانی امور کی جانب سے بھیجی گئی سمری میں تاریخ کا خانہ خالی رکھا گیا ہے۔ وزیراعظم اسمبلی تحلیل کرنے کی تاریخ اور وقت کا فیصلہ کریں گے۔آج قومی اسمبلی تحلیل ہوجائے گی
اسمبلی تحلیل ہونے کے بعد نگران سیٹ اپ آئے گا اور وہ الیکشن کرانے کا پابند ہوگا جبکہ قانون میں ترمیم کے بعد نگران سیٹ اپ لمبا چل سکتا ہے اور شنید ہے کہ الیکشن آئندہ سال منعقد ہوں گے ۔