اردو ورلڈ کینیڈا ( ویب نیوز ) بھارت کی جانب سے سری نگر میں بلائے گئے جی 20 ممالک کے اجلاس میں چین اور ترکی کے شرکت نہ کرنے کا امکان ہے۔
22سے 24 مئی تک مقبوضہ کشمیر کے دارالحکومت سری نگر میں بھارت کی جانب سے بلائے جانے والے جی ٹوئنٹی ممالک کے سیاحت سے متعلق اجلاس میں چین اور ترکی کے شرکت نہ کرنے کا امکان ہے، سعودی عرب اور انڈونیشیا بھی غیر حاضر رہ سکتے ہیں۔
بھارت نے سری نگر میں یہ اجلاس دنیا کو دکھانے کے لیے بلایا ہے کہ مقبوضہ کشمیر کے حالات ٹھیک ہیں۔ 5 اگست 2019 کو یکطرفہ طور پر مقبوضہ کشمیر کی ریاست کا درجہ ختم کرنے کے بعد بین الاقوامی سطح پر یہ بھارت کا پہلا سفارتی اقدام ہے۔ پاکستان نے دوست ممالک سے بھی رابطے کیے ہیں۔
یہ بھی پڑھیں
جی 20 اجلاس،مقبوضہ کشمیر کو قلعہ میں تبدیل کر دیا گیا
جی 20 ممالک دنیا کے جی ڈی پی کا 80% والے ممالک کا ایک بلاک ہیں۔ بھارت کی جانب سے یہ اجلاس سری نگر میں بلانے کے بعد بیشتر ممالک نے اس پر تحفظات کا اظہار کیا ہے۔ اس میٹنگ میں جو ممالک شرکت کریں گے ان میں سے زیادہ تر دہلی میں مقیم سفارتی اہلکار شامل ہوں گے۔
مزید پڑھیں
جی 20 اجلاس کا مشترکہ اعلامیہ جاری نہ ہوسکا
اجلاس میں کون کون سے ممالک نہیں آرہے، اس بارے میں دفتر خارجہ نے تاحال کوئی تصدیق نہیں کی تاہم بھارت میں پاکستان کے سابق سفیر عبدالباسط نے اپنے ٹوئٹ میں ذرائع کے حوالے سے بتایا ہے کہ اجلاس میں چین اور ترکی شرکت کریں گے۔ ۔ انہوں نے توقع ظاہر کی کہ سعودی عرب اور انڈونیشیا نہیں آئیں گے۔ بھارتی حکومت یہ دکھانے کی کوشش کر رہی ہے کہ مقبوضہ کشمیر میں سب کچھ ٹھیک ہے۔
