اردو ورلڈ کینیڈا ( ویب نیوز ) قومی ٹیم کے کپتان بابر اعظم نے یوم شہدا پر پیغام جاری کرتے ہوئے شہدا کو خراج عقیدت پیش کیا۔

سوشل میڈیا پر اپنے پیغام میں بابر اعظم نے تمام پاکستانی عوام کے لیے خصوصی پیغام جاری کیا، جس میں ان کا کہنا تھا کہ مٹی کی محبت میں شہید ہونے والوں سے ہر پاکستانی پیار کرتا ہے، پاکستانی عوام شہدا کی خدمات کو کبھی نہیں بھولے۔ . اور نہیں بھولیں گے، آئیے سب مل کر پاکستان کی کامیابی کا ساتھ دیں۔

واضح رہے کہ آج ملک بھر میں یوم شہدائے پاکستان منایا جا رہا ہے جس میں قوم شہدائے پاکستان کو خراج عقیدت پیش کر رہی ہے۔ یوم شہدا پاکستان کی مرکزی تقریب جنرل ہیڈ کوارٹرز راولپنڈی میں ہوئی جس میں چیف آف آرمی سٹاف جنرل عاصم منیر مہمان خصوصی تھے۔ تقریب میں پاک فضائیہ، پاک بحریہ کے سربراہان، حاضر سروس اور ریٹائرڈ افسران، قومی ٹیم کے کپتان بابر اعظم اور محمد رضوان سمیت مختلف شعبہ ہائے زندگی سے تعلق رکھنے والی اہم شخصیات اور شہدا کے اہل خانہ نے شرکت کی.