اردوورلڈ کینیڈا( ویب نیوز)قومی اسمبلی کا اجلاس آج ہوگا، جس کا 43 نکاتی ایجنڈا جاری کردیا گیا ہے۔تفصیلات کے مطابق قومی اسمبلی کا اجلاس آج شام چار بجے طلب کیا گیا ہے، 43 نکاتی ایجنڈے کے مطابق حکومت کی جانب سے الیکشن ایکٹ میں ترمیم کا ایک اور بل پیش کیا جائے گا۔
الیکشن ایکٹ ترمیمی بل پرائیویٹ ممبرز بل کے طور پر پیش کیا جائے گا اور اسے رکن اسمبلی بلال اظہر کیانی پیش کریں گے جبکہ رکن اسمبلی زیب جعفر الیکشن ایکٹ 2024 کا دوسرا ترمیمی بل قومی اسمبلی میں پیش کریں گے۔
اس کے علاوہ ایجنڈے میں توہین عدالت قانون کی تنسیخ سے متعلق آئینی ترمیمی بل اور آرٹیکل 184 میں ترمیم بھی شامل ہے۔اجلاس میں جے یو آئی کے نور عالم خان توہین عدالت کی منسوخی کا بل پیش کریں گے۔