اردو ورلڈ کینیڈا ( ویب نیوز)قومی اسمبلی نے پنجاب میں انتخابات کے لیے الیکشن کمیشن کو فنڈز جاری کرنے کی تحریک متفقہ طور پر مسترد کر دی۔

سپیکر راجہ پرویز اشرف کی زیر صدارت قومی اسمبلی کے اجلاس میں  اعظم نذیر تارڑ نے کابینہ کی طرف سے بھیجی گئی سمری بطور تحریک ایوان میں پیش کی۔

عدالت کی حکم عدولی ،سپریم کورٹ نے الیکشن کمیشن کو فنڈز جاری نہیں کئے

قائمہ کمیٹی نے قومی اسمبلی کی منظوری کے بغیر فنڈز جاری نہ کرنے کی سفارش کی تھی۔
اجلاس کے دوران وزیر قانون نذیر تارڑ نے 12 ارب روپے کے انتخابی فنڈز سے متعلق قائمہ کمیٹی برائے خزانہ کی رپورٹ ایوان میں پیش کی اور کابینہ کی منظوری کے بعد اس کے اجراء سے متعلق ضمنی گرانٹ کی تجویز پیش کی
وفاقی وزیر قانون نذیر تارڑ نے کہا کہ ایوان نے ملک بھر میں ایک ہی دن انتخابات سے متعلق قرارداد منظور کی ہے، کسی ایک شخص کی انا کی تسکین کے لیے الگ الیکشن نہیں کرائے جا سکتے۔
وزیر مملکت برائے خزانہ عائشہ غوث پاشا نے کہا کہ فنڈز مختص کرنا اسٹیٹ بینک کا کام نہیں ہے۔ معاملہ پارلیمنٹ پر چھوڑ دیا گیا ہے۔