اردو ورلڈ کینیڈا ( ویب نیوز)وزیر مملکت برائے خزانہ عائشہ غوث پاشا نے کہا ہے کہ پاکستان آئی ایم ایف کا اعتماد کھو چکا ہے۔سینیٹ کی قائمہ کمیٹی برائے خزانہ کے اجلاس میں اظہار خیال کرتے ہوئے وزیر مملکت برائے خزانہ کا کہنا تھا کہ دوست ممالک سے فنانسنگ میں پیش رفت ہوئی ہے، آئی ایم ایف کی اگلی قسط ملنے والی ہے، اس لیے پریشان ہونے کی ضرورت نہیں۔
عائشہ غوث پاشا نے مزید کہا کہ آئی ایم ایف فنانسنگ کے حوالے سے دوست ممالک سے الگ بات کر رہا ہے
وزیر مملکت برائے خزانہ نے مزید کہا کہ دوست ممالک سے فنانسنگ میں پیش رفت ہوئی ہے اور آئی ایم ایف کی اگلی قسط ملنے والی ہے، اس لیے پریشان ہونے کی ضرورت نہیں۔
وزیر مملکت نے آئی ایم ایف پروگرام پر بریفنگ دیتے ہوئے کہا کہ پروگرام کی بحالی کے لیے کئی مشکل فیصلے کیے گئے، آئی ایم ایف کے ساتھ اعتماد کی بحالی میں وقت لگ رہا ہے۔
انہوں نے کہا کہ پاکستان کو بیرونی فنانسنگ کے لیے دوست ممالک کے تعاون کی ضرورت ہے، دوست ممالک سے مسلسل رابطے میں ہیں، بہت جلد ان کے ساتھ معاملات میں پیش رفت ہوگی۔
عائشہ غوث پاشا نے مزید کہا کہ چین نے مشکل وقت میں ہمارا ساتھ دیا، ہمیں امید ہے کہ سعودی عرب بھی بہت جلد آگے آئے گا جب کہ متحدہ عرب امارات سے بھی بہت توقعات وابستہ ہیں۔
وزیر مملکت برائے خزانہ نے کہا کہ پیٹرول پر سبسڈی مکمل طور پر ڈیزائن نہیں کی گئی، اس پر کام ہو رہا ہے، آئی ایم ایف غریبوں کے لیے ٹارگٹڈ سبسڈی پر زور دے رہا ہے، پیٹرول پر سبسڈی ڈیزائن کرکے آئی ایم ایف کو آگاہ کیا جائے۔
