اس سے قبل سماعت کے دوران لاء آفیسر فلک شیر اور اسسٹنٹ ڈائریکٹر لاء ذوالقرنین حیدر الیکشن کمیشن کی جانب سے عدالت میں پیش ہوئے جبکہ سردار عبدالرزاق ایڈووکیٹ پرویز الٰہی کی جانب سے عدالت میں پیش ہوئے.
الیکشن کمیشن نے عدالت میں سابق وزیر اعلیٰ چوہدری پرویز الٰہی کے کاغذات نامزدگی کے حوالے سے ریکارڈ پیش کیا جبکہ وکیل مرکزی صدر پی ٹی آئی سردار عبدالرزاق ایڈووکیٹ نے دلائل مکمل کر لیے.
الیکشن ٹربیونل نے دلائل مکمل ہونے کے بعد چوہدری پرویز الٰہی کے کاغذات نامزدگی مسترد کرنے کے خلاف اپیل پر اپنا فیصلہ محفوظ کر لیا تھا.
واضح رہے کہ چوہدری پرویز الٰہی نے کاغذات نامزدگی مسترد کرنے کے خلاف الیکشن ٹریبونل میں اپیل دائر کی تھی مرکزی صدر پی ٹی آئی نے پی پی 23 سے این اے 59 اور ان کی اہلیہ قیصرہ الٰہی نے کاغذات نامزدگی جمع کرائے ہیں.