اردوورلڈ کینیڈا( ویب نیوز) اونٹاریو کے ناظم اعلیٰ آفس کی رپورٹ میں بتایا گیا ہے کہ صوبائی جیلوں میں قیدیوں کی تعداد حد سے زیادہ تجاوز کر گئی ہے، اور اس بحران کے تدارک کے لیے فوری اقدامات کا مطالبہ کیا گیا ہے ۔
اونٹاریو کی جیلوں میں قیدیوں کی کل تعداد منتظمین کی متعین کردہ گنجائش سے بہت زیادہ ہےجس سے کمرہ بند اور امن و امان کے بحران کا خطرہ پیدا ہو گیا ہے ۔
صوبائی واچ ڈاگ نے فوری اصلاحات کا مطالبہ کیا ہے وارننگ دی گئی ہے کہ اگر موجودہ صورتحال کو کنٹرول نہ کیا گیا تو حالات گروانگ کرائسز یعنی بڑھتے ہوئے بحران کی شکل اختیار کر لیں گے
ہجوم کے باعث قیدیوں کی رہائش، صحت، خوراک اور حفاظتی انتظامات متاثر ہو رہے ہیں، جس سے انسانی حقوق کے قواعد کی خلاف ورزی کا خطرہ لاحق ہے ۔
شہریوں نے نشاندہی کی کہ ان مسائل کو نظرانداز کرنا قانونی پیچیدگیوں اور عوامی تشویش کا باعث بن سکتا ہے، جس کے نتیجے میں عدالتی کارروائی یا صوبائی سطح پر سیاسی ردعمل کی راہ ہموار ہو سکتی ہے ۔
حکام کو قیدیوں کی تعداد کم کرنے یا نئے جیلوں کے قیام سمیت ٹھوس پلان تیار کرنا ہو گا۔
صوبائی نظام کو قیدیوں کی منتقلی یا مراعات میں اصلاحات کے لیے اختیارات مختص کرنے کا مشورہ دیا گیا ہے۔
قوانین میں ترمیم لاگو کرکے قیدیوں کے حقوق کو یقینی بنانے اور جیلوں کی گنجائش کو بڑھانے پر غور ہو رہا ہے۔
اونٹاریو کی جیلوں میں گنجائش سے تجاوز نے ایک سنگین عوامی اور انسانی حقوق کا بحران جنم دیا ہے۔ صوبائی واچ ڈاگ کی وارننگ کے تناظر میں اس پر فوری، مؤثر اور شفاف اصلاحات کی ضرورت ہے تاکہ امن و امان، انسانی سلامتی اور قانونی قواعد و ضوابط کا تحفظ ممکن ہو سکے۔
