پارٹی رہنماؤں نے یوٹیوب، فیس بک، انسٹاگرام اور ایکس پلیٹ فارم پر ویڈیو لنک کے ذریعے ورچوئل  جلسے سے خطاب کیا

ورچوئل جلسے سے خطاب کرتے ہوئے تحریک انصاف کے چیئرمین بیرسٹر گوہر خان نے اسے ملکی تاریخ کا پہلاورچوئل جلسہ قرار دیا

پاکستان تحریک انصاف کے ورچوئل جلسے میں پارٹی رہنماؤں نے شفاف انتخابات کے مساوی سیاسی مواقع فراہم کرنے کا مطالبہ کیا

جلسہ کے دوران پاکستان پیپلز پارٹی کے رہنما سردار لطیف کھوسہ نے پی ٹی آئی میں شمولیت کا اعلان کرتے ہوئے کہا کہ انہوں نے پی ٹی آئی کے بانی کی خواہش پوری کر دی ہے.

انہوں نے کہا کہ توقع ہے کہ عدلیہ مساوی انصاف کرے گی، یہ ادارے ہمارے ادارے ہیں، یہ فوج ہماری فوج ہے، ان کی حدود  آئین میں بیان کی گئی ہیں.

بیرون ملک مقیم شہباز گل اور ذوالفی بخاری نے بھی پی ٹی آئی کے جلسے میں شرکت کی.