ڈنمارک سے تعلق رکھنے والے پاکستانی نژاد فٹبالر محمد فضل کو پہلی بار قومی ٹیم میں شامل کیا گیا ہے جب کہ انگلینڈ کے سابق عمر گروپ کے کپتان عیسیٰ سلیمان کی بھی ٹیم میں واپسی ہوئی ہے۔فیفا ورلڈ کپ کوالیفائر کے لیے اوٹس خان انجری کے باعث اردن کے خلاف میچ نہیں کھیل سکیں گے جب کہ پاکستانی نژاد برطانوی عادل نبی پاکستانی ٹیم کا حصہ نہیں بن سکے اور جنید شاہ کے ساتھ محب اللہ کو ٹیم سے ڈراپ کردیا گیا ہے۔ فیفا کوالیفائر میچ کے لیے اردن کی فٹبال ٹیم کو پاکستان کے ویزے جاری کر دیے گئے۔
گول کیپر عبدالباسط اردن کے خلاف فیفا ورلڈ کپ کوالیفائر میچ کے لیے پاکستانی اسکواڈ میں شامل، گول کیپر یوسف بٹ، ثاقب حنیف اور حسن علی بھی 24 رکنی اسکواڈ میں شامل ہیں۔ڈیفنڈر عبداللہ اقبال، عیسیٰ سلیمان، مامون موسیٰ، محمد صدام، محمد سہیل، راؤ عمر، محمد فضل اور محمد عدیل بھی ٹیم کو جوائن کریں گے۔راہوس نبی، ہارون حامد، عالمگیر غازی، رجب علی، شائق دوست علی، عزیر اور عبدالصمد کے نام بھی 24 رکنی اسکواڈ میں شامل ہیں جب کہ پاکستان میں عمران کیانی، ولید خان، فرید اللہ اور عدیل یونس کو بھی منتخب کیا گیا ہے ۔پاکستان فٹبال ٹیم 21 مارچ کو اردن کے خلاف ہوم میچ اور 26 مارچ کو اوے میچ کھیلے گی۔
