اردو ورلڈ کینیڈا ( ویب نیوز ) جاپان میں جونیئر اسکواش چیمپئن شپ، پاکستانی نوجوان نے میدان مار لیا، پاکستانی نوجوان تعلیم کے ساتھ ساتھ کھیلوں کے میدانوں میں بھی کسی سے پیچھے نہیں، ہر سال پاکستان سے سینکڑوں نوجوان قومی اور بین الاقوامی سطح پر کھیلوں میں حصہ لیتے ہیں۔حال ہی میں پاکستان کے تیرہ سالہ نوجوان حذیفہ شاہد نے جاپان میں اسکواش چیمپئن شپ جیت لی ہے۔ جاپان میں ہونے والی اس جونیئر سکواش چیمپئن شپ میں کئی ممالک کے 15 سال سے کم عمر کے بچوں نے حصہ لیا۔ شاہد نے سنسنی خیز مقابلے کے بعد کامیابی حاصل کی۔حذیفہ شاہد کا کہنا ہے کہ میری کامیابی میرے ملک و قوم کے نام ہے، اس مقابلے میں کامیابی کے بعد میرے ساتھ پوری پاکستانی قوم خراج تحسین کی مستحق ہے۔حذیفہ شاہد جیسے نوجوان پاکستان کے لیے باعث افتخار ہیں اور یہی نوجوان اس قوم کا حقیقی سرمایہ اور مستقبل ہیں۔
36
