چیف جسٹس قاضی فیض عیسیٰ کی سربراہی میں تین رکنی بنچ 19 فروری کو سماعت کرے گا، جسٹس محمد علی مظہر اور جسٹس مسرت ہلالی بنچ کا حصہ ہوں گے.
واضح رہے کہ یہ درخواست 4 روز قبل علی خان نامی شہری نے سپریم کورٹ میں دائر کی تھی جس میں وفاقی حکومت اور الیکشن کمیشن آف پاکستان کو فریق بنایا گیا تھا.
درخواست کی گئی تھی کہ 8 فروری کو ہونے والے انتخابات کو کالعدم قرار دیا جائے اور انتخابات کے نتیجے میں حکومت سازی کا عمل روک دیا جائے.
درخواست میں مزید کہا گیا ہے کہ عدلیہ کی نگرانی میں 30 دنوں میں نئے انتخابات کرانے کا حکم دیا جائے اور انتخابی دھاندلی کی تحقیقات اور ذمہ داروں کے خلاف کارروائی کرنے کے احکامات د ئیے جائیں.