اردو ورلڈ کینیڈا ( ویب نیوز )امریکی صدر ڈنلڈ ٹرمپ نے وائٹ ہاؤس میں خطاب کے دوران ثبوت فراہم کیے بغیر دعویٰ کیا کہ فیڈرل ایوی ایشن اتھارٹی میں ہر قسم کے لوگوں کی بھرتی اس حادثے کی ذمہ دار ہوسکتی ہے۔

اس حوالے سے وزیر دفاع پیٹی ہیگستھ کا کہنا ہے کہ فوجی ہیلی کاپٹر تربیتی مشن پر تھا کہ اس دوران غلطیاں ہوئیں۔میڈیا رپورٹس کے مطابق امریکی فیڈرل ایوی ایشن اتھارٹی کے سربراہ نے ایلون مسک سے اختلافات کے باعث ٹرمپ کے عہدہ سنبھالنے سے قبل ہی استعفیٰ دے دیا تھا اور حادثے کے وقت ایف اے اے میں سربراہ اور نائب سربراہ سمیت 8 اہم عہدے خالی تھے۔واضح رہے کہ گزشتہ روز واشنگٹن کے اوریگن ایئرپورٹ کے قریب مسافر طیارے اور فوجی ہیلی کاپٹر میں تصادم ہوا تھا جس کے نتیجے میں 67 افراد ہلاک ہوگئے تھے۔