اردو ورلڈ کینیڈا ( ویب نیوز) آئندہ بارہ گھنٹوں کے دوران شمالی بلوچستان، بالائی خیبرپختونخوا، شمال مشرقی پنجاب، کشمیر اور گلگت بلتستان میں آندھی اور گرج چمک کے ساتھ بارش کا امکان ہے۔
تاہم بالائی خیبرپختونخوا، کشمیر اور گلگت بلتستان میں بھی موسلادھار بارش ہوسکتی ہے۔
ملک کے دیگر علاقوں میں موسم گرم اور مرطوب رہنے کا امکان ہے۔
آج صبح ریکارڈ کیا گیا بعض بڑے شہروں کا درجہ حرارت:
اسلام آباد تئیس ڈگری سینٹی گریڈ، لاہور اور کراچی ستائیس، پشاور چوبیس، کوئٹہ اٹھارہ، گلگت بیس، مری سولہ، اور مظفر آباد اکیس ڈگری سینٹی گریڈ۔
بھارتی غیر قانونی طور پر مقبوضہ جموں و کشمیر کے لیے محکمہ موسمیات کی پیش گوئی کے مطابق سری نگر، جموں، لیہہ، پلوامہ، اننت ناگ، شوپیاں اور بارہمولہ میں بارش، آندھی اور گرج چمک کے ساتھ موسم جزوی طور پر ابر آلود رہنے کا امکان ہے۔
آج صبح ریکارڈ کیا گیا درجہ حرارت:
سری نگر، پلوامہ اور شوپیاں پندرہ ڈگری سینٹی گریڈ، جموں چھبیس، لیہہ، اننت ناگ اور بارہمولہ سولہ ڈگری سینٹی گریڈ۔
