اردو ورلڈ کینیڈا ( ویب نیوز)پاکستان تحریک انصاف (پی ٹی آئی) سے مذاکرات پرمشاورت کے لیے مسلم لیگ (ن) کی سینئر قیادت کا اجلاس آج طلب کرلیا گیا۔

وزیراعظم شہباز شریف کی زیر صدارت مسلم لیگ (ن) کی سینئر قیادت کا اہم مشاورتی اجلاس آج ان کی رہائش گاہ ماڈل ٹاؤن میں ہوگا۔
ملاقات میں پی ٹی آئی قیادت سے اب تک ہونے والے مذاکرات، ان کے مطالبات اور عام انتخابات کے لیے متفقہ تاریخ دینے یا نہ دینے سمیت اہم امور پر تفصیلی مشاورت کی جائے گی۔
اجلاس میں مسلم لیگ (ن) کی چیف آرگنائزر و سینئر نائب صدر مریم نواز، وفاقی وزیر خزانہ اسحاق ڈار، وزیر ریلوے و ہوابازی خواجہ سعد رفیق بھی شرکت کریں گے۔
وزیر خزانہ اسحاق ڈار پارٹی رہنماؤں کو پی ٹی آئی ٹیم سے مذاکرات کے حوالے سے تفصیلی بریفنگ دیں گے۔